Asko dira ikasturtean ikasleekin batera asteburuko barnetegia antolatzen duten euskaltegiak. Ostiraletik igandera, herri euskaldun batean, eskolak eman, txangoak eta jarduerak antolatu, bertako euskaldunekin harremanetan jarri, euskaltegia bera dinamizatu...
![](//3.bp.blogspot.com/_WOwckUkavSA/SX7LsM3SvcI/AAAAAAAAAPI/9BUO_BICFac/s400/arantzako+barnetegia+2008+tx.jpg)
Hemendik zoriondu eta animatu nahi ditugu lan horretan aritzen diren euskaltegiak eta bertako irakasleak; egiten duten lana ederra baita. Alde batetik; neguko zein udako barnetegietara hurbiltzeko ariketa interesgarria delako eta beste aldetik, ikasleei euskaltegian duten prozesuaz gain, beste aukera paregabe bat ematen zaielako euskaraz treba daitezen.