2013/12/19

Eskerrik asko!


Berbalagun, Mintzalagun, Mintzakide:

Zeuri esker, euskarak hiztunak irabazten ditu egunetik egunera.

AEKren mintzapraktika egitasmoetan gabiltzan guztion partez, eskerrik beroenak.

2013/11/27

Berbalagunon topaketak abenduan



Jada egunerokoan murgilduta dabiltza mintzapraktika egitasmoak eta abenduan, hainbat ekintza egingo dituzte euskara praktikatzen jarraitzeko:

Barakaldoko berbalagunak: Abenduaren 2an, astelehena, euskaldunon topaketa egingo dute Clara Campoamor kultur etxean arratsaldeko 19:00etan. Kafea hartuta, berriketarako tartea egongo da eta ondoren, Galder Perezen umorezko bakarrizketa.

Meatzaldeko berbalagunak: Abenduaren 3an, Euskararen nazioarteko egunaren egitarauaren barruan, mintzodromoa antolatu dute Ortuellan arratsaldeko 18:00etan Kultur Etxean.

Lemoako berbalagunak: Hilabete honetan jarri da martxan Lemoako berbalagun egitasmoa Arratiako AEK eta Lemoako Udalaren eskutik. Taldeak sortzen ari dira apurka apurka eta abenduaren 3an, Euskararen egunaren harira herrian egingo diren ekimenen baitan, aurkezpena egingo dute arratsaldeko 19:30etik aurrera Gaztetxean.

Sestaoko berbalagunak: Abenduaren 12an, osteguna, Sestaoko euskaldunek topaketa izango dute Bock tabernan arratsaldeko 19:00etatik aurrera. Barry Manleyren bakarrizketa egongo da eta horrekin batera, mintzapraktika egitasmoen bideoaren proiekzioa ere eta noski, pintxoak ere ez dira faltako. 

Praktikatzeko aukera zabala, ezta? 

2013/11/21

Enkarterriko euskaldunon jaia


Aurreko urtean bezala, aurten ere Euskaldunon jaia egingo dute Enkarterrin abenduaren 1ean. Oraingoan, Artzentalesen izango da eguerdiko 12:00etatik aurrera. Goizean, familian euskaraz jolasteko tailerra, musikaz alaitutako mokadutxoa eta kantupoteoa izango dira. Ondoren,  bertso bazkaria zozketa eta guzti eta arratsaldean Mikel Martinezen antzezlana...

eta hau guztia giro euskaldun paregabean!

Informazio gehiago nahi izanez gero: Enkarterriko berbalagunak

2013/11/14

Lemoako berbalagun martxan!


                                                              Zubietako zubia             
                            
Geroz eta gehiago gara euskaraz bizi eta euskara praktikatu nahi dugun lagunak. Horren adibide dugu Lemoa.

Lemoako Udalak eta Arratiako AEK-k abian jarri dute berbalagun egitasmoa. Oso harrera ona izaten ari da eta taldeak sortzen ari dira apurka apurka.

Abenduaren 3an, Euskararen Egunaren harira herrian egingo den festaren baitan, egitasmoa aurkeztuko dute.

Informazioa eskuratzeko edo izena emateko
arratia_berba@aek.org
Lemoako udala: 94 631 30 05
Arratiako AEK: 94 631 56 57


2013/11/11

Aurkezpen gehiago


Euskara praktikatu eta ondo pasatzeko hitzordu gehiago ditugu aste honetan:

Galdakaoko berbalagunak: asteazkena 13, 19:30ean Urki tabernan
Bilboko berbalagunak: osteguna 14, 19:30ean Kalderapeko kulturgunean
Basauriko berbalagunak: ostirala 15, 19:30ean Zehatza tabernan

2013/11/05

Hitz gurutzatuen Basauriko III. txapelketa


Aurten ere Basaurin Hitz gurutzatuen txapelketa egingo dute. Bolintxu AEK euskaltegiak eta Enrike Jaio Kultur Elkarteak antolatuko dute ekimen hau hirugarrenez.

Larunbat honetan, azaroaren 9an, izango da goizeko 09:30etik aurrera Eskarabilla txokoan (Renfe geltokiaren ondoan). Bertan, lagun giroan goiza euskaraz emateko aukera paregabea izango duzue. Ez hutsik egin!


Izena emateko edo informazio gehiagorako

bolintxu@aek.org
94 440 82 64

2013/11/04

Aste honetako aurkezpenak



                                        Ezkerraldeko berbalagunen aurkezpena


Aste honetan euskara praktikatzeko eta ondo pasatzeko hainbat hitzordu ditugu:

Urola Kostako mintzalagunak: Osteguna 7, 19:00etan Etxe-Zabala aretoan
Zeberioko berbalagunak: Ostirala 8, 19:00etan eskola zaharrean
Azkoitiko mintzalagunak: Larunbata 9, 11:00etan Kontrako Eztarrixe irratira bisita egingo dute ikasturteari hasiera emateko

2013/10/23

Hurrengo aurkezpenak





Aste honetan eta hurrengoan aurkezpen eta jaiak egiten jarraituko dugu berbalagun, mintzalagun eta mintzakideok. Bereziki aipagarria dugu Durangaldeko berbalagunek egingo duten festa, aurten 10 urte egingo baitituzte, zorionak lagunok!

Hona hemen hurrengo datak:

Ermuko berbalagunak: Asteazkena 23, 19:00etan Lobianon
UrduƱako berbalagunak: Asteazkena 23, 19:00etan Kultur Etxean
Leioako berbalagunak: Asteartea 29, 19:30ean Ongi Etorrin
Durangaldeko berbalagunak: Asteazkena 30, 19:30ean Plateruenan
Okondoko berbalagunak: Osteguna 31, 19:30ean Kultur Etxean

2013/10/15

Mintzapraktika egitasmoen aurkezpenak


Mintzapraktika egitasmoak abian dira jada eta hainbat herritan aurkezpenak egingo dituzte. Hauetan ondo pasatzeko, elkar ezagutzeko eta jakina, euskara praktikatzeko aukera izango dugu; beraz, adi datozen asteetako datei!

Hona hemen aste honetako aurkezpenak:

Enkarterriko berbalagunak: Osteguna 17, 19:00etan Sodupen
Aiaraldeko berbalagunak: Ostirala 18, 18:30ean Luiaondon
Ezkerraldeko berbalagunak: Ostirala 18, 19:00etan Santurtzin
Meatzaldeko berbalagunak: Ostirala 18, 20:00etan Trapagaranen

2013/10/02

Gaur, euskara praktikatu. Bihar, euskaraz bizi!


Euskaltegietako matrikulazio kanpainarekin batera, AEK-k  mintzapraktika programetarako kanpaina berria jarri du abian “Gaur, euskara praktikatu. Bihar, euskaraz bizi!” lemapean. Horrenbestez, 2013-14 ikasturtean mintzapraktika programa batean (Berbalagun, Mintzalagun, Mintzakide...), parte hartu nahi duten guztiek eman dezakete izena jada Euskal Herrian diren 90tik gorako egitasmoren batean.

Ikasturte honetako kanpainaren protagonistak Mari Jose, Roberto, Estela, Luixe eta Uxue dira. Benetako berbalagun, mintzakide eta gurasolagunak. Lagun hauek ezagutzatik erabilerara iragotzeko zubia hartu dute. Oso ondo ezagutzen dituzte mintzapraktika egitasmoak eta jendea izena ematera animatzeko, bideo hau sortu, eta are gehiago, bideo honetan parte hartu izan dute.

Izena emateko bete formulario hau, eta deskubritu praktikatun izena emategatik dauden abantailak.

2013/07/04

Oporrak!


Ikasturtea amitu da, baina mintzapraktika egitasmoek ez dute etenik.

Berbalagun eta mintzalagun gehienek oporrak hartu dituzue, datorren ikasturtean orain arteko ohitura berrartzeko asmoz. Hala ere, eskualde guztietan sortu dira udarako taldeak, izan ere, uda sasoi ezin hobea da ikasturtean zehar ikasitakoa praktikan jarri eta herdoiltzen ez uzteko.

Irailean berriz egongo gara bueltan, ordurarte, ondo pasa!


2013/05/31

Udako berbalagunak

Berbalagun egitasmoek udan ere, euskara praktikatzeko aukera luzatu dute. Izena emateko, jo zure herriko euskaltegira edo bete galdetegi hau.

2013/05/28

Mintzodromoa lehenengoz Ezkerraldean

Portugaletetik jaso dugun mezua:
Ekimen honen egitasmo nagusia Ezkerralde osoko ehundaka euskaldun batzea da, gaur egun euskararen erronka nagusia erabilera delako eta gure helburu nagusia hizkuntza kalera ateratzea delako. Portugaleteko Udalaren Euskara Zerbitzuak eta Ezkerraldeko Berbalagunek topaketa honetara gonbidatzen zaituzte. Makina bat mahai jarriko ditugu, eta interes orokorreko lau gai hizpide hartuta jardungo dugu euskaraz berriketa lasaian, kafe bat hartzen dugun bitartean. Gai bakoitza lantzeko 15 minutu inguru izango dugu. Gai baten eta bestearen artean, parte-hartzaileak mahaiz mugituko dira Mintzodromoan dauden ahalik eta pertsona gehienekin hitz egin ahal izateko. Goizean saio bat egingo da 10:00etan eta arratsaldean bi, 17:00etan eta 19:00etan.

DATA: Portugaleten, 2013ko ekainaren 6an
TXANDAK: 10:00, 17:00, 19:00
LEKUA: San Roke plazan
IZEN-EMATEA: euskara@portugalete.org
Informazio gehiagorako: GarbiƱe Okerantza 653 704 653/ Alfre Elgezabal 637 525 163

2013/05/14

Hiketalaguna martxan Zarautzen


Urola Kostako mintzalagunaren ekimenez, Hika ikastaro teoriko eta praktikoa burutu ondoren, talde bat hasiko da astean behin elkartzen Zarautzen, ikasitako guztia praktikatzeko. Hitano foroa ere sortu da beraien zalantzak bertan galdetu eta erantzuteko.

Talde honetan, edo Urola Kostako beste edozein taldetan parte hartu nahi izanez gero edota informazio gehiago lortzeko:

mintzalagun.blogspot.com
urolakosta@aek.org


2013/04/22

Hitzaditza


Euskal Kultur Erakundeak eta AEK-k elkarlanean, Hitzaditza diktaketa lehiaketaren zortzigarren  edizioa antolatu dute; maiatzaren 25ean izango da Baionan.

Hiru sailetan banatuko dira parte hartzaileak: euskaldun trebeak, euskara ikasleak eta 13-17 urte bitarteko gazteak.

Izena emateko fitxa hau bete behar da, eta xehetasun gehiagorako joan Hitzaditzaren fecebook orrira.

2013/04/10

Sopelako 20. Esaera zaharren txapelketa



Orain dela 20 urte hasi zen Sopelako Esaera Zaharren  Txapelketak, bizirik dirau. 2013ko apirilaren 27an izango da 20. edizioa, AEKren ekimenez  eta aurtengo leloa “Non zaldarra, han atzamarra” izango da.
Bertsoak eta atsotitzak elkartzea eta primeran pasatzea da ekitaldiaren oinarria eta bi saio ditu:
Goizean 11:00etatik aurrera, ALBEko kideen laguntzaz, ibilbide ezberdinetan kanporaketak jokatuko dira tabernaz taberna.
Eguerdian, 15:00ak aldera, herri-bazkaria izango da, Sopelako frontoian. Bazkalostean, berriz, final-erdiak eta finala jokatuko dira,  oraingoan  Ane Labaka eta  Xabier Amuriza  bertsolariekin.
Sariak, ederrak: asteburua landetxe batean irabazleentzat; 4 pertsonarentzako afariak finaleko enparauko taldeentzat.
Behin lehiaketa amaituta, erromeria izango da, Dangiliske Plaza dantza taldearen eskutik.

Izena emateko, esaera zaharren zerrenda lortzeko eta informazio gehiagorako, jo lotura honetara.

2013/02/27

Berbalagun programa berriak!

Aiaraldeko berbalagunak Gasteizko izotz pistan
Mintzapraktika egitasmoena etengabe hazten ari den fenomeno bat da. Oraingo honetan, Bizkaiko beste hiru herritan jarriko da martxan Berbalagun: Arakaldon, Arrankudiagan eta Zeberion. Aek-ko euskaltegiek udalekin lortutako hitzarmenei esker, hiru herri hauetan berbatalde berriak sortzeko kanpaina abiatuko dugu martxoan zehar. 

Izena emateko, honako bide hauetatik egin daiteke:

Arakaldoko udaletxean
Arrankudiagako udaletxean
Arrankudiagako gizarte etxean 
Zeberioko udaletxean
e-mailez: aiaraldea@aek.org 
telefonoz: 607 673 744
online: Izen emate fitxa beteta 

praktikatu gurekin, izan berbalagun!

2013/01/07

2013an praktikatu euskara!

Urte berriarekin batera mintzapraktika egitasmoetan izena emateko kanpaina zabaldu da berriz ere. Parte hartu nahi duzu? Eman izena!

ZEIN DA HELBURUA?
Mintzapraktika proiektuek gure kaleetan euskararen presentzia zabaltzea eta handitzea dute helburu nagusi.

NORK HAR DEZAKE PARTE?
Euskara ikasten ari denak, erabilera hobetu nahi duenak, euskaraz mintzatzeko helburua duen pertsonak.

Euskaldunak, solasaldiaren bidez mintzakideari euskaraz hobeto mintzatzen lagunduko dionak.

NOLA?
Bakoitzaren denbora librearen arabera, mintzataldeak antolatzen ditugu binaka edo talde txikiietan biltzen dira astean behin, euskaraz egiteko, gustuko aktibitateak partekatuz. Talde bakoitzak erabakitzen du zer egin, noiz eta non.

ABANTAILAK
Egitasmo hauetan oparte hartzen dutenek deskontuak eta abantailak dituzte prentsa eta argitalpenetan, besteak beste.

Eta den-dena, DOHAINIK, KITORIK, DEBALDE, MUSUTRUK!

IZENA EMATEKO
Bete fitxa hau eta zurekin jarriko gara harremanetan.



izena
1. abizena
2. abizena
e-posta
telefonoa
herria
zure mezua hemen
Image Verification
captcha
Idatzi irudian azaltzen dena:
[ Beste irudi bat ] [ Zer da hau? ]



Datu Pertsonalak Babesteari buruzko abenduaren 13ko 15/1999 Lege Organikoan xedatzen dena betetzearren, jakinarazten dizugu zure datu pertsonalak PRAKTIKA JARDUERAK fitxategian sartuta daudela eta horren helburua dela praktika zerbitzuan izena ematen duten pertsonen kudeaketa. Datu horiek administrazio publikoei laga ahal izango zaizkie, goian zehaztutako helburuak betetzeko xedez. Fitxategia Datuak Babesteko Agentzian aitortu dugu eta datuen segurtasuna bermatzeko neurriak ezarri ditugu.

Fitxategi horien erantzulea EUSKARAZ KOOP. ELKARTEA (AEK) bera da eta, horri dagokionez, hala nahi izanez gero, aipatutako Legean aurreikusitako sarbide, zuzenketa, ezeztapen eta aurkaritza eskubideak balia ditzakezu; horretarako Txakur Kalea 1, 4.a 48.500 Bilbo helbidera edo lopd@aek.org posta elektronikora eskaera bat bidali behar duzu, NA edo nortasuna egiaztatzeko beste agiri batekin batera.